المماطلة الأبديه

مدينة زويل اصدرت بيان بتاريخ 29/4/2013 و كالعادة  البيان مليان معلومات غريبة مش عارفة بيجبوها منين و تفسيرات قانونية على مزاجهم فقررت أرد على الكلام ده عشان أوضح الحقائق و نخلص من المهاترات الملهاش أي 3 لازمة. 

أول حاجة البيان بيتكلم فيها شق موضوعي و شق مستعجل ده الكلام الفي بيان المدينة: 

أولا: هذا الحكم خاص بالشق المستعجل في القضية ويتعلق بوقف قرارات إدارية بشكل مؤقت وحتى نظر الدائرة الثانية بالقضاء الإداري في الشق الموضوعي خلال أسابيع.

مبدئياً الحكم الصادر من مجلس الدولة ده للمرة ال-5000 حكم نهائي غير قابل للطعن و واجب النفاذ و سواء شق مستعجل أو موضوعي هو واجب النفاذ. ثانياً الحكم في الشق الموضوعي ده ممكن ياخد سنين. ثالث حاجة ورق الجامعة القانوني السليم 100% الاجبر المحكمة انها تصدر الحكم ده مش حيتغير بقدرة قادر يعني احنا متأكدين بنسبة 99% إن الحكم الصدر في الشق المستعجل حيبقى نفس الحكم الحيصدر في الشق الموضوعي.

الحجة دي فارغة شفلكوا حجة تانية. لأ ثانية واحدة هما فعلاً شافوا ننتقل لتاني نقطة في البيان و هي: 

ثانيا: الحكم في حيثياته وتحديدا في الصفحة 82 ألزم الحكومة بضرورة توفير بديل لمشروع مدينة زويل و هي بصدد تنفيذ ( أي قبل الشروع في التنفيذ ) هذا الشق بإعتباره المشروع الذي تهفوا إليه نفوس المصريين ويسهم في نقلة علمية كبيرة تعود بالخير على المصريين.

أحب أوضح بس إن المحكمة فقط تهيب بالحكومة توفير بديل لمدينة زويل و هي بترميه خارج أسوار مدينة زويل و ده مش شرط لتنفيذ الحكم زي ما المتحدث الإعلامي لمدينة زويل بيحاول يوهم الناس. تنفيذ الحكم إلزامي وغير مرهون بأي نوع من أنواع شروط. هارد لك مدينة زويل تنفيذ الحكم غير مرهون بإيجاد بديل لكم فارحمونا و اخلوا المباني دلوقتي حالاً. 

ننتقل بقى إلى الحجة الفارغة رقم 3:

ثالثا: عملية إخلاء المدينة والمباني هي عملية صعبة ومعقدة ويستحيل تنفيذها نظرا لأن الأجهزة الأحدث في العالم والتي تم إستيرادها لخدمة البحث العلمي لها حسابات فنية وأماكن خاصة بأبعاد ومواصفات هندسية معقدة وإستغرقت شهور طويله في تجميعها.

أولاً مين قالكم تجيبوا معدات و تحطوها  في مبنى عليه نزاع قانوني دي مشكلتكم مش مشكلتنا و خلونا نرجع بالذاكرة 5 دقائق لما كنا بنتحايل عليكم عشان تمكنونا من معدتنا و معملنا و انتم ودن من طين و ودن من عجين و ولا سائلين فينا و مارعتوش إن في طلبة و باحثين ابحاثهم و دراستهم متعطلة احنا إتعلمنا منكم عدم الاكتراث بالغير و من هنا أحب أقول لكم مش مشكلتنا و ميخصناش مشكلتكوا مع الحكومة خليها تحلهلكوا و اطلعوا برا المباني دلوقتي حالاً. 

دلوقتي معاد الحجة الفارغة رقم 4:

رابعا: هناك أكثر من 200 باحث وأستاذ وموظف يمثلون كيان المدينة حاليا ومن دون مكان جاهز وملائم لعملية البحث العلمي ومؤهل لإنطلاق الدراسة بالجامعة التي إستكملت جميع مقوماتها وتسابق الشباب المصري للإلتحاق بها ستكون هناك إنتكاسة لهذا المشروع. 

تاني اكرر مين قالكم تقبلوا باحثين في مباني عليها نزاع قانوني و أصلاً قانون المدينة لم يكتمل. و أحب اكرر كلام المدينة لينا شوفوا جامعة تانية تروحوها أو مشكلتكوا مع الحكومة هي تحلها أو المقولة المفضله عندي حناخد الشطار منكوا العندنا التخصص بتاعهم و الباقي يتصرف. احنا كنا في نفس الوضع ده بس كان في طلبة و باحثين مستقبلهم حيضيع و انتوا مافرقش معكم. دلوقتي انتوا مشكلتكوا مع الحكومة هي تحلها و جامعة النيل ملهاش دخل و الحكم واجب النفاذ سيبوا المباني فوراً. 

يلى بينا ننتقل على الحجة الفارغة رقم 5 (و يستمر و يتوغل و ينتشر):

خامسا: إن الصورة المغلوطة التي يحاول البعض ترويجها من إستيلاء مدينة زويل على الأراضي هو أمر محض إفتراء وعار تماما عن الصحة حيث تسلمت المدينة الأرض والمباني المملوكة للدولة قبل 18 شهرا خالية و بموجب قرار تخصيص من رئيس الوزراء وأعادت تأهيلها بعد تأكيد الحكومة على أنه لا يمكن تنفيذ قرار حق الإنتفاع السابق في عهد أحمد نظيف بالأرض والمباني لجامعة خاصة وكان القرار للمؤسسة المصرية لتطوير التعليم وتنازلت عنها ووقف تنفيذ القرار يعطي الحق الآن للمؤسسة وليس لجامعة النيل ( ونحن نتساءل أين هذه المؤسسة التي خصصت لها الأرض وتنازلت عنها ).

أولاً انتوا فعلاً إستولتوا على مباني جامعة النيل و حكم المحكمة رجع الأرض والمباني كلها. ثانياً خالية؟ تاني المباني خالية مفيش فايدة؟ المباني كانت مجهزة بالكامل فيها معملها و ورشها و اللجنة الوزارية العاينة المباني قالت نفس الكلام. جامعة النيل مش خاصة بدليل إن القضاء أمر بإلزام مرسي تحولها جامعة أهليه لاستيفائها كل الشروط. بردو نظيف؟ نظيف ملوش علاقة بجامعة النيل أساساً وبعدين لو حنتكلم فلول مدينة زويل تبع مين فايزة أبو النجا، أحمد شفيق، المجلس العسكري و مرسي فلول دول ولا مش فلول يا متعلمين يا بتوع المدارس. 

المؤسسة أولاً لا تملك الحق انها تتنازل عن أي حاجة أولاً لأنها تنازلت للجامعة قبل ما تتنازل للحكومة ثانياً ال-تنازل تم بالتليفون و ده مش قانوني،بقية المعلومات حتلقوها في أخر المدونة. 

يلى نضيع شوية وقت كمان وننتقل إلى نقطة رقم 6 في البيان:

سادسا: تدرك مدينة زويل أن الحملة التي تمارس ضد المدينة وعلمائها تستهدف بالأساس تقويض المشروع والقضاء على أي أمل لإحداث نهضة علمية ومعرفية في هذا الوطن خاصة أن كثيرا من الحلول كانت طرحت على جامعة النيل الموجودة في مكانها بالقرية الذكية منذ 2006 ورفضتها جميعها وكان أخصها الإندماج الكامل أو رعاية مدينة زويل لجامعة النيل حتى تقنين أوضاعها ووفرت الحكومة بديل ورفضت جامعة النيل الإنتقال.

أولاً محدش بيمارس حملة ضد المدينة و لا حاجة و لا المطالبة بتنفيذ حكم القضاء اليومين دول يعتبر حملة تشويه للمدينة؟!  تاني القرية الذكية ماشي نرجع و نقول ده مقر مؤقت مش أكتر و احنا استعملنا و انتقلنا لمباني زايد فعلياً.  

بالنسبة للإندماج أولاً لما تم طرح الفكرة دي مدينة زويل كانت لسة مجرد فكرة مكنش ليها أي وجود قانوني، ثانياً التوجه العلمي و البحثي لجامعة النيل و ما يسمى بمدينة زويل مختلف تماماً مدينة زويل تخصصها العلوم التطبيقية و مدينة زويل العلوم الأساسية يعني تخصصات مختلفة تماماً. بالنسبة للبديل الحكومة وفرتوا لجامعة النيل هو كان مدينة مبارك المدينة دي معدة لطلاب ثانوي و غير مناسبة لجامعة بحثيه دي أول حاجة، ثانياً المدينة دي أصلاً شغالة يعني احنا كان مطلوب مننا نروح مدينة فيها ناس شغالة ونرمي الناس دول في الشارع زي ما اتعامل فينا.  وبعدين خلاص ما احنا فيها طالما مدينة زويل شايفة إن مدينة مبارك مناسبة هما ينتقلوا ليها ده حتى فيها جنينة حتى حل مناسب لكل الأطراف. 

النقطه رقم 7 (كفاية أنا زهقت و المصحف):

سابعا: إن إستمرار هذه الهجمة الشرسة من شأنها تعطيل هذا المشروع خاصة أن كثيرا من الجامعات العالمية فتحت قنوات إتصال مع باحثي وعلماء المدينة لإستقطابهم.

قول و المصحف جبت التايهة يا حصبلة....جامعة النيل عندها نفس ذات الشراكات مع جامعات عالمية بس انتوا مكنش عندكوا أي مشكلة انكم تعطلوا أبحاث الجامعة عادي نو بروبلم. 

هجمة شرسة إيه يا برنس احنا بنطالب بتنفيذ الحكم لا أكثر ولا أقل.

اه و بيقولوا في أخر البيان إن في اجراءت قانونية تمنع التنفيذ، اجراءت إيه حضرتك إذا كان الحكم نهائي غير قابل للطعن و واجب النفاذ. وفي شوية كلام فارغ كمان بس مرارتي مش حتستحمل أكتر من كدة وأنا رديت عليه كلوا فوق.

في نهاية الأمر أحب أوضح إن مفيش حد فينا بيحارب مشروع زويل و لا حاجة، احنا بنطالب بتنفيذ الحكم الطلع لصالح جامعة النيل و أظن ده حقنا. مدينة زويل محتاجة تبطل هرتلة قانونية و مماطلة و تضييع وقت الحكم واضح و صريح. نص الحكم بيقول تمكين جامعة النيل من كافة مبانيها و ارضها و لم يضع أي قيود و شروط لتنفيذ الحكم. أنا بطالب مدينة زويل بتنفيذ الحكم و لو عايزين بديل يتفضلوا يروحوا مدينة مبارك الكانوا شايفينها مناسبة جداً لجامعة النيل. و بكرر جامعة النيل ملهاش أي علاقة من قريب أو بعيد بمشكلة مدينة زويل المدينة هي الخلقت هذه المشكلة و مشكلتها مع الحكومة تحلها مش معنا. 

دي شوية روابط للتوضيح:

1- ده البيان للعايز يفقع مررتوا و يقرأه

2- دي اتفاقيات التعاون مع الشركات والجامعات العالمية

3- جامعة النيل أهليه و المصحف

4- رئيس مدينة زويل شريف صدقي و هو بيزور جامعة النيل في الشيخ زايد

5- إثبات إن احنا استخدمنا مقرنا في زايد

6- تلخيص لمشكلة جامعة النيل من الأول للأخر

بلطجة علميه

أي حد ممكن يبقى بلطجي عادي الهو بيسرق وبيروع المواطنين، وطبعاً النوع ده من البلطجيه عادةً بيبقى مطلوب القبض عليه أو الداخليه ممكن تأجره بالساعة عشان ينزل يعتدي على متظاهرين أو لأي غرض تاني. النوع ده من البلطجيه منتشر جداً وأي حد ممكن يعمل كدة أصل المسألة مش محتاجة فن تماماً. بس مؤخراً ظهر نوع جديد من البلطجيه النوع ده بقى الناس بتموت في بدل ما بتخاف منه، بيأجر الداخليه بدل ما الداخليه هي البتأجره والقانون بيلتوي عشانه ومش بيسرق محفظة أو فلوس ده بقى بيسرق مباني وأرض. 

للأسف الشديد المهنة لمت بس نعمل إيه بقى نصيب، ما علينا تعالو نعدي على أهم خصائص هذا البلطجي.

أولاً: أعمل إنجاز مهم 

البلطجي ده لازم يكون عامل إنجاز مهم وفريد من نوعه عشان يخلي شعبيته واسعة والناس تموت فيه، ويبقى محل ثقة وشخصيه معروفة بدل ما كان نكرة. ممكن مثلاً يكون خد جايزة نوبل في العلوم بسبب إكتشافه الفيمتو ثانيه. ده مش تلقيح كلام خالص خالص خالص ده مجرد مثال بريء.

ثانياً: الطموح 

لازم يكون عندك طموح بمعنى ليه تسرق حاجة صغيرة ما إنت ممكن تسرق حاجة كبيرة يعني ليه تسرق عجلة أو حتى شقة ما إنت ممكن تسرق 2 مباني مجهزين وأرض مساحتها 127 فدان و ممكن نقول على الإنت سرقه مباني جامعة...... على سبيل المثال طبعاً. 

ثالثاً: الخيال الواسع

لازم يكون خيالك واسع عشان تقدر تخترع قصص تكدب بيها الناس الوحشة الحتقول انك استوليت على الجامعة بتاعتهم و تحاول تفقدهم مصداقيتهم، مثلاً:

النظام القديم كان بيحاربني.....(نعمل إيه بقى مبارك كان منفسن)

الأرض دي بتاعتي أنا حطيط حجر أساس وكانت مخصصه ليه.......(الدليل، هات صورة ليك وانت واقف في الصحراء جانب كومة طوب وقول عليهم حجر أساس. بالنسبة للتخصيص فاتتك دي يا معلم كنت المفروض تضرب ورقة)

قول على العيال البتقول عليك انك سرقت الجامعة بتاعتهم انهم منقادين ومضحوك عليهم.......(بريالة احنا معلش)

قول على أهالي العيال انهم مش فهمين حاجة ومضحوك عليهم.....(طبيعي ماهو لو العيال بريالة أهاليهم حيبقو إيه)

قول مليش دعوة بالمشكلة دي مشكلة الجامعة ما الحكومة......(قول والمصحف)

قول إدارة الجامعة وحشة ومتحلفين مع إبليس.......(شوف ازاي) 

فايزة أبو النجا أحد الرموز الوطنيه.........(أومال مين الفلول مش وخده بالي دي مدوباهم 100 حكومة)

رابعاً: الكذب

أكذب وأكذب كمان ولما تخلص كذب أكذب كمان، ما ينفعش ولا كلمة تطلع من بقك تبقى الحقيقة عشان ده تقريباً عيب. مثلاً قول إن الأرض دي بتاعتي قول إن طلاب الجامعة بيحبوني وعايزين ييجو معاية.

إسرق ماكيت الجامعة الإنت سرقت مبانيها واطلع قول الماكيت ده بتاع المشروع بتاعي وتعبت فيه بغض النظر عن إن الماكيت ده معمول لأرض مساحتها 127 فدان مش 300 بس ما علينا 
فايزة أبو النجا أحد الرموز الوطنيه........(تكرار عارفة بس مش بأيدي)

http://nancymustafa.blogspot.com/2012/04/nile-university.html

خامساً: التطبيل

لازم تبقى طبال محترف، يعني تكرس حياتك للتطبيل للنظام سواء شفيق، شرف، جنزوري، مجلس عسكري، مرسي، جماعة. قضي حياتك بطبل للسلطة.

سادساً: مصلحجي 

شوف مصلحتك فين واجري وراها حتى لو ده تطلب الوقوف مع الباطل ودعم نظام فاسد إيه يعني مش مشكلة المهم مصلحتك وطز في أي حاجة تانية. طبعاً النقطة دي حتساعد في النقطة رقم خمسة الهي التطبيل كل ما تبقى مصلحجي أكتر كل ما مبادئك حتنكمش كل ما قدرتك على التطبيل حتكبر.

سابعاً: أعمل نفسك ميت

أي حد يقولك حقي أو مش حقي، ولا كأنك سامعه. ولو طلع ليه حكم قضاء نفض للحكم وقول مليش دعوة.

ثامناً: خليك بتاع صفقات

اعمل صفقة مع النظام عشان يطعن في الحكم الطلع للخصم وإطعن إنت كمان. اعمل صفقة مع الرئيس إنه إذا خلصلك الليلة إنت حتعمل معه أحلى واجب في الإعلام، أعمل صفقة مع الرئيس خليه يطلعلك قانون قبل جلسة الطعن بكام يوم. 

تاسعاً: خليك ناصح أجر الداخليه بدل ما هي تأجرك  

كل ما العيال بتوع الجامعة الإنت سرقها يضيقوك جبلهم الداخليه تضربهم وبلاش وجع دماغ 

عاشراً: البجاحة ثم البجاحة 

اخبط واحد من الطلاب بالعربيه وبعدين اطلع قول أنا سحبت المحضر العملته ليكم عشان مستقبلكم مهم عندي ولقيتكم حتتحبسوا......(قلب أمك)

روح حط حجر أساس معهد جديد في الأرض الإنت ملكش حق قانوني عليها وحكم المحكمة ادها للعيال المزهقينك

قول أنا مليش دعوة مشكلة الجامعة مع الحكومة واحنا مستمرين في العمل، الكلام ده حتى بعد حكم المحكمة

قول للعيال أنا ممكن أخدكم عندي في المدينة بتاعتي حتى بعد قلة أدبكوا

قول على الإعلام البينتقدك لسرقتك وبلطجتك مأجور وعميل 

قول للعيال بلاش شغل الإعلام ده عشان مش حينفعكوا
فايزة أبو النجا أحد الرموز الوطنيه........(تكرار تاني عارفة بس مش بأيدي)

  

طبعاً أكيد كلنا عرفنا مين البلطجي ده القانون بيتم تشكيلة لمناسبة اغراضه وكلنا عرفنا مين الضحيه، بس أنا حخليني واضحة عشان اللسه معرفش البلطجي هو زويل البيحاول يعمل مشروع مصر للبلطجة العلميه على أرض جامعة النيل المغتصبة، جامعة النيل الطلع ليها حكم محكمة يوم 18/11/2012 ولحد دلوقتي مش عارفة تخش مبانيها، الجامعة الطلابها يتم الإعتداء عليهم من قبل جحافل الأمن الزويل بيستأجرها. جامعة النيل الحكومة مصر كلها وقفه ضدها بداءً من مرسي وقنديل لحد مصطفى مسعد، الجامعة الحقها مهدور بس طلابها لا يزالوا صامدين بعد ما إعتدى عليهم الأمن المركزي مرتين بعد ما تم تلفيق محاضر لهم وبعد ما تم احتجزهم في القسم الطلاب البقالهم أكثر من 130 يوم معتصمين. الطلاب دول وأنا ليه الفخر اني أكون منهم واقفين بثبات وعزة وكرامة ضد الحكومة وزويل رافضين الإستسلام ورافضين الإنحناء والرضوخ.

احنا مش حنستسلم وحنحارب فساد الحكومة وبلطجة زويل.    

المجد للحركات الطلابيه والمجد للأحرار.

جامعة النيل ضد الحكومة

ومازلت مشكلة جامعة النيل مستمرة ولا تنتهي ولا يحاول المسؤلين إيجاد حل لها. إعتصام واعتصمنا لف على المسؤلين ولفينا مظاهرات وإتظهرنا رد المسؤلين علينا كان دائماً هو هو لا يختلف وممكن يتلخص في الأتي:

جامعة النيل وجدت لتبقى........ (مع إنه مش باين خالص من تصرفات الحكومة معنا)

جامعة النيل ليها اهميه علميه كبيرة جداً....... (قول والمصحف )

احنا حنستنا حكم القضاء وحنحترمه وننفذه فوراً....... (يا راجل)

طبعاً الكلام ده يحسس البني أدم إن خلاص الحكومة وقفة معنا والمشكلة فضلها 5 دقائق وتتحل، عشان كدة الداخليه بعتة مرتين جيوش الأمن المركزي لضربنا وساحلنا تحقيقاً لأماني زويل. أول مرة الأمن المركزي جيه كان اليوم 21 في الإعتصام الأمن المركزي دخل حرم الجامعة ودي حاجة غير قانونيه أصلاً وطبعاً تم الإعتداء علينا بالضرب والسحل. أول مرة دي كنت قبل حجتين حكم المحكمة والقانون الطلع لزويل يعني زويل مكنش عنده أي صفة عشان يطلب تدخل الداخليه والداخليه مكنش المفروض تستجيب للطلب، بس ما علينا مش مشكلة ماهي ماشية بالكوسة. تاني مرة دي بقى هي الفعلاً جريمة بمعنى الكلمة لأن دي كانت بعد حكم المحكمة، والحكم كان باحقيه جامعة النيل بالمباني والأرض بس الحكومة تجاهلت حكم المحكمة وبردو ضربونا. 

زويل كان كل ما يتسأل عن جامعة النيل يقول أنا مليش دعوة بالمشكلة والمشكلة بتاعتهم مع الحكومة يا سبحان الله عشان كدة طلب إنه يدخل خصم في قضية الجامعة أصلاً رفعها على الحكومة، كان دائماً بيقول أنا ححترم حكم القضاء وبردو يا سبحان الله عشان كدة طعن في الحكم، فعلاً مفيش تناقض خالص والراجل واضح وصريح. 

أنا عايزة أوضح بس الأحداث المؤديه لتاني مرة اشتباكات مع الأمن.

أولاً احنا طلع لينا حكم محكمة يوم 18/11/2011 الحكم كان بيقول إن التخصيص لزويل يتوقف وإن كل حاجة ترجع لينا أرض ومباني، الحكم ده المفروض يتنفذ فوراً والطعن في الحكم ده لا يوقف التنفيذ. طبعاً ده محصلش الحكومة فضلت تعطل في التنفيذ وتتجاهله مع إن ده غير قانوني أصلاً. وطبعاً عشان زويل بيحترم أحكام القضاء وعلى رأسه من فوق طعن في الحكم وبيطالب إن احنا مناخدش أي حاجة خالص ولا حتى كشك الأمن. بس احنا قلنا خلاص مش مشكلة يطعن براحته كدة كدة هو مالوش حقوق ومفيش ورقة واحدة بتقول إن في حاجة اسمها مدينة زويل و الطعن أكيد حيترفض خصوصاً كمان إن تقرير هيئة المفوضين أوصى برفض الطعن. بعدين يا سبحان الله مرسي طلع قانون بإنشاء مدينة زويل معلش قصدي "مشروع مصر للسرقة العلميه"  لأ لأ قصدي "مشروع مصر للنهضة العلميه" يوم 20/12/2012 والمدينة تنشأ في مقر مدينة الشيخ زايد القانون ده مالوش غير معنى واحد إن مرسي خد حكم المحكمة الطلع لصالح جامعة النيل وكعورة و وقام رميه في الزبالة قضاء إيه وقانون إيه النحترمة مرسي يصنع قوانينه واحكامه الخاصة بيه. بس قلنا مش مشكلة هو مرسي كدة أعطى زويل كيان قانوني بس بردو احنا معنا الحق والوضع لم يتغير. يوم 1/1/2013 كان معاد الجلسة بتاعت الطعن ويا سبحان الله لقينا مرسي وقنديل مصطفى مسعد هما كمان طعنين في الحكم. 

ده وضح حاجات كتير بالنسبة لينا، الحكومة طول الوقت كانت بتقول احنا بنحبكوا أوي بس مش بتعمل أي حاجة طلعت منحازة من أول لحظة لزويل، الحكومة كان في اديها حاجات كتير تعملها الحكومة الطلعت قانون لزويل كان ممكن تطلع لينا احنا كمان قانون، كانت ممكن تنفذ الحكم لكن الحكومة قررت تتجاهل حكم المحكمة وتختصمنا على الأقل الحكومة كان ممكن ما تطعنش!!!! 

يوم 3/1/2013 جلنا خبر إن زويل رايح المباني بتاعتنا والأرض بتاعتنا عشان يحط حجر أساس معهد حلمي للعلوم، فكان رد الفعل الطبيعي إن احنا نروح هناك إحتجاجاً على البيحصل. احنا رافضين تماماً إن زويل يستغل المباني بتاعتنا رافضين تأمين الداخليه للمكان الداخليه راحت بناءً على إيه زويل مالوش صفة إنه يطلب التأمين ولا يمتلك المكان أصلاً عشان يطلب تأمين والداخليه تستجيب. احنا رحنا هناك وبعد إنتهاء الحفل حولنا إن احنا نكلم الناس الحضرت الحفلة عشان البيحصل ده جريمة وطبعاً كان رد الداخليه انها تعتدي علينا عشان تأمن زويل وهو خارج الداخليه اعتدت على أصحاب الحقوق لحماية اللص. 

احنا دلوقتي زويل ضدنا مرسي ضدنا قنديل ضدنا ومسعد ضدنا، الحكومة كلها بتحاربنا، ليه؟ عشان زويل بيستعمل نفوذه وشعبيته لمساعدة حكومة لا تعرف معنى الحقوق والقانون وفي المقابل هما بيحربونا. مشكلة الجامعة مش مشكلتنا احنا بس دي تمثل مشكلة البلد باكملها، الحكومة بتدور على المصالح الشخصيه وبترمي القانون في الزبالة وبتهمش القضاء. الحكومة دي لا تنحاز للقانون الحكومة دي لا تنحاز للحق الحكومة دي لا تنحاز للعدل، الحكومة منحازة للباطل والظلم والفساد الحكومة دي لا تقف في صف الشعب والمستضعفين، الحكومة في الأول والأخر تبحث عن المصالح الشخصيه. اليقف في صف الحرامي يبقى حرامي زيه واليقف في صف الفاسد يبقى فاسد زيه.

الحكومة تعتقد إن الطلبه شوية عيال مش فهمين هما بيعملو إيه وده أبعد ما يكون عن الحقيقة طلاب مصر هم المستقبل واحنا الحنعمل حملة نضافة للبلد دي. احنا حنحارب مرسي وقنديل والحكومة كلها وحناخد حقوقنا بالذوق بالعافية حنخدها ومش حنستسلم، إيه يعني حتعملوا إيه أكتر من الانتو عملينوا احنا مش بنخاف ومش حنطاتي ويسقط النظام الذي يدعم الفساد والسرقة ويشارك فيهم. 

الصورة دي لأحد باحثين جامعة النيل بس دي بتعبر عن حال البلد كلها بتعبر عن حال القانون عن حال القضاء عن حال الدستور، عن حال الشعب الحكومة بتسحل كل دول مش احنا بس.

المجد للحركات الطلابيه ويسقط النظام الفاسد. لن نستسلم ولن نرضخ وسوف ننتزع حقوقنا.  

قصة جامعة النيل

جامعة النيل هي الجامعة البحثية الوحيدة في مصر. نم انشاءها عام 2006 كجامعة للدراسات العليا.

الكيان القانوني:

كانت الخطة ان تكون الجامعة أهلية لكن لم يوجد قانون للجامعات الأهلية في مصر. ولارادة القائمين عليها في تأكيد صفة عدم الربحية من الجامعة فأنشأوا جمعية أهلية وهذة الجمعية انشأت الجامعة

http://nileu.edu.eg/Docs/PresidentialDecree-Arabic.pdf

أعضاء هذة الجمعية الأهلية 55 عضوا كان نظيف رئيس الوزراء السابق أحد الاعضاء بصفته الشخصية ولم يكن له أي دور قيادي فيها.. رأس الجمعية الدكتور ابراهيم بدران

كانت الجامعة تقوم علي التبرعات والشراكات البحثية من كبري الشركات العالمية (انتل ، جنرال موتورز، ..) مع المراكز البحثية في الجامعة.

في هذه الأثناء قامت الجامعة بنشر أكتر من 700 بحث وكان لها العديد من الانجازات

الارض:

ملك وزارة الاتصالات وكانت الجامعة لها حق الانتفاع بالأرض

منذ الثورة:

فوجئنا بمنعنا من دخول المعامل في مقر الجامعة بالشيخ زايد وزعم البعض امثال مصطفي بكري والصحفيين الذين علي شاكلته باشاعة ان جامعة النيل هي جامعة نظيف التي انشأها لكي يتربح منها وهذا غير صحيح بالمرة. فوجئنا بقرارات احمد شفيق بعد ذلك بسحب ملكية الارض وجعلها تابعة لصندوق تطوير التعليم.

وبدأ مشوار التظاهرات. حاولنا مقابلة كل المسؤلين بالدولة رئيس الوزراء، وزير التعليم العالي، كل من له اي علاقة وان كانت بعيدة بالقرار من الوزارة والرد واحد "استنوا زويل لما يجي مصر ونشوف هنعمل ايه" عندها توجهنا لأحمد المسلماني لأنه كان المتحدث الاعلامي باسم زويل حينها قال في برنامجه ان زويل لا علاقة له بجامعة النيل وانه ينوي اقامة مشروعه في مكان اخر

لكن هذا لم يؤثر في جملة "استنوا زويل" من المسؤلين.. كنا في هذا الوقت نري في زويل العالم الجليل الذي سيضيف الي الجامعة باشرافه عليها وصرنا ننتظر قدومه بفارغ الصبر..في هذا الوقت فهمنا من المسلماني ومن جميع المسؤلين ان جامعة النيل سوف تكون نواة لمشروع زويل وان المشكلة سوف تحل قريبا جدا بقدوم زويل الي البلد

فجاء زويل اخيرا والمفاجأة الكبري كانت اصطحابه لفايزة ابو النجا التي حتي الان متخلة في المشكلة بطريقة مربية جدا .. دخل زويل في اجتماع مغلق مع ادارة الجامعة الذي كان يميل الي الاستجواب بعلاقتهم الغير موجودة اصلا بالنظام السابق ورفض مقابلة الطلبة.. فلحقنا به علي سلم الجامعة لنسأله عن مستقبلنا ونطلب منه ان يسمح لنا دخول المعامل حيث كان الترم قد بدأ ونحن اضررنا ان ندرس بعامل وورش جامعة عين شمس نظرا لمنعنا من دخول المعامل التي اصبحت "مدينة زويل" سألناه عن ماذا ينوي فقال ان مشروعه لن يبدأ قبل سبتمبر وانه ان ضم طلاب جامعة النيل لن يضمهم كلهم بل سيضم "الشطار" منهم ... ثم هددنا وقال لنا بالنص "الاعلام مش هينفعكم" وقال لنا الا نتظاهر أو نطالب بحقنا ضده ... عندئذ فهمنا اللعبة زويل قرر أن يأخذ المعامل لكن الطلاب لا.

طبعا لم نقبل ان تتفكك الجامعة بهذه الطريقة ولم نحتمل فكرة الا يجد بعض زملاؤنا مكان في الجامعة مما يهدد مستقبلهم .. لكن قلقنا الاكبر كان في كيف لعالم جليل مثل زويل ان يري طلاب ممنوعين من دخول معاملهم والقرار بيده ولا يفعل شيئا.. وكيف وهو يعلم ان المدينة لن تبدأ قبل تصديق مجلس الشعب عليها ان يتركنا معلقين في الهواء.. ولماذا لا يريد ان يستمر كيان جامعة النيل كأول جامعة بحثية مصرية اثبتت وجودها وتميزها في فترة قصيرة؟؟ لماذا يهدمها بدلا من ان يضيف اليها؟

وعدنا الي نقطة البداية وقتها لا ندري ماذا نفعل ثم فوجئنا بعرض مريب من مجموعة استثمارية ان تشتري الجامعة من الجمعية الاهلية

لتصبح جامعة خاصة.. فرفض اتحاد الطلاب هذا العرض بكل قوته حتي لا تتحول الجامعة الي "سبوبة" وينهار مستوي التعليم لأن التوجه البحثي للجامعة لن يتفق مع توجه استثماري. وبدأت الضغوطات تتوالي تارة تههدنا وزارة الاتصالات بطردنا من المقر المؤقت بالقرية الذكية وتارة اخري تهددنا وزارة التعليم العالي باغلاق الجامعة لعدم وجود مقر دائم!!!

ظهر زويل مرة اخري يساوم مرة ان يأخذ الباحثين ويترك طلبة البكالريوس ثم مرة ان يأخذ طلبة الهندسة ويترك طلبة ادارة الاعمال .. ثم ذات ليلة سرق الماكيت من مقر الجامعة المؤقت ووجدناه في اليوم التالي علي التلفزيون يشرح زويل عليه مدينته ويقول ان هذا هو المخطط الذي خططه هو!! ثم ظهر معه احد اساتذة جامعة النيل في برنامج ليقول انه عاد من امريكا خصيصا لمشروع زويل وهذا الشخص كان يعمل بجامعة النيل منذ ثلاث سنوات!!

طوال هذه المدة كنا نحاول ان يجعل الاعلام يسلط الضوء علي المشكلة وطبعا اعلامنا المحترم فاجئنا كثيرا بعبارات "أصل الشريط اتحرق" أو "أصل مش هينفع انهاردة عشان الكاميرا باظت" بعدما تصلهم تهديدات بعدم نشر الموضوع وكلما يعلو صوت الجامعة كلما تنازل زويل.. حاولنا اقناعة اكثر من مرة خلال وسائل الإعلام المتاحة لنا وخلال قنوات الاتصال بيننا وبينه ان يترك ال 2 فدان المقامة عليهم المباني لكنه رفض.. أن ياخد جامعة النيل بكامل كيانها لكنه رفض .. وكنا عندما نسأل عن خطة جامعة زويل أو ما هي الكليات الموجودة بها يرفض الاجابة .. او تكون الاجابة "لسة هانشوف"

اخر عرض كان ان يأخذ الطلبة في جامعته وتصبح جامعة زويل لكن يترك الاساتذة والادارة مع اختفاء كيان جامعة النيل.. في هذة المرحلة ازداد تمسكنا بالجامعة اكثر واكثر فقد وجدنا فيها الأمل بتعليم وبحث علمي حقيقي في اليلد .. وجدنا الأساتذة الذين تركوا مناصبهم بالخارج ليعملوا بها غير باحثين عن المجد الباطل والبروباجندا الاعلامية .. لذلك وقفنا ندافع عنها ولم نتركها لنذهب الي جامعات اخري منذ ظهور المشكلة في فبراير 2011 ... ثم يقف امامنا عالم جليل لم يرينا اي شئ يدل علي حسن نيته بل مماطلة وكذب وخداع ورغبة في الظهور 

والانتقام ولا مبالاة بمستقبل طلبة

اخيرا كان ظهوره مع يسري فودة .. رفض ان يظهر اي شخص من جامعة النيل في اللقاء ورفض حتي المداخلات التليفونية ونشر معلومات مغلوطة وأكاذيب مبهمة عن الجامعة بدون أي دليل .. ونفذ تهديده "انتو فاكرين ان الشعب هيصدقكوا .. انا هطلع اتكلم في الاعلام والشعب هيصدق اللي هاقوله والجامعة هتقفل"

رفضنا الانضمام لجامعة زويل .. رفضنا اي محاولة لهدم كيان جامعة النيل .. نرفض أن نؤله الاشخاص . لمجرد انه زويل لا يعني انه يريد

النهضة لمصر وان ارادها فليبني مدينته بعيدا .. ليس علي انقاض الاخرين

كل هذا موثق بالفيديوهات والمستندات في هذه المدونة:

http://nancymustafa.blogspot.co.uk/2012/04/nile-university.html

بقلم مريم رياض

كفاية تحرش و أعذار خايبة

أنا قررت لتاني مرة اني اكتب عن التحرش الجنسي بس المرة دي مش عشان أشجع البنات و الستات انهم يرضوا على المتحرش و يتمسكوا بحقهم في الأمان والإحترم المرة دي بسبب حملة "ما تفطريش صائم" و حاجات تانية من نفس المنطق المريب.

بس مبدئياً كدة أنا عايزة بس أعرف الناس الأول على على أنواع التحرش تاني و هما: لمس، بسبسه، النظر المتفحص للجسد، تعليقات، متابعه أو ملاحقة، معاكسة تليفونيه، كشف عن أعضاء جسديه، إقتراحات جنسيه تعبيرات بالوجه و أكيد أكيد يقع تحت التحرش الإغتصاب و هتك عرض. أنا جبت القائمة المفصلة دي من موقع خريطة التحرش الجنسي و أنا قررت أحطها لأن نفسي الناس تجمع إن التحرش الجنسي مش مجرد لمس و بس لكن هو يشمل كل حاجة بتمس البنت بأي طريقة.

من الحاجات الاستفزتني جيداً مؤخراً على غير العادة هي حملة "ما تفطريش صائم" هي مش مختلفة كتير عن نظرة المجتمع للراجل و الست وهي إن البنت هي السبب في البيحصلها عشان هي مش محترمة و الراجل يا عني مظلوم لما بيشوف الحاجات دي مش بيعرف يمسك نفسوا. أنا بس الاستفزني في الحملة دي هي الجانب الديني الظهر إذ فجأةً من غير أي سبب، فجأة لقينا نفسنا بنتحمل ذنب رجاله هرمنتهم هي البتتحكم فيهم و مش بيعرفوا يمسكوا نفسهم. أنا بس عايزة أفهم ليه مجتمعنا حط كل واحد فينا في دور معين ليه الست إتحطت في دور الغواية و العهر و ليه الراجل اتحط في دور الكلب البلدي في موسم التزاوج. الأدوار دي مهينة لكل واحد فينا و مش من الطبيعي إن احنا نتقبلها من غير أي مناقشة.

مش من الطبيعي إن الراجل يلعب دور كائن متحرش هرموناتوا بتحكموا لما يشوف أي حاجة مؤنثة يفقد أعصابوا و السيطرة على نفسوا و عقلوا ربنا مخلقكش كدة يا ابني متمشيش ورى تصنيف مجتمع عايز يجردك من انسانيتك و دينك و أخلاقك. مش لازم تهين أي وحدة مشية قدامك عشان تتماشى مع طريقة تفكير المجتمع ده مش صح إنت مش حيوان. مش من الطبيعي انك تتحرش بوحدة و بعدين تقول أصلها كانت لبسة مش محترم فمعرفتش أمسك نفسي. إنت مش كلب!!!! ربنا مخلقكش و الهرمونات مسيطرة عليك. اه يا ابني عمرك شفت بنت تحرشت بولد عشان شكلو كان حلو لدرجة انها مقدرتش تسيطر على نفسها؟؟ الحمدلله احنا مش حيوانات فلما البنت بتشوف واحد عجبها مش بتعمل حاجة.    

لكن طبعاً المجتمع بيسقف لحاجة زي دي عشان البنت تستاهل أصلها مش لابسة محترم فهي السبب الولد ياعني مظلوم. بس عندي سؤال اه تعريف لبس محترم؟ لكل واحد فينا تعريف للبس المحترم بيختلف من شخص للتاني مش كلنا عندنا نفس النظرة لكل حاجة. وبعدين حتى لو البنت مش لابسة محترم مش من حق أي حد إنو يحسبها ويقرر يعاقبها عشان هو قرر انها غلطت.         

للمرة ال-٥٠٠٠ عذر انها مش لبسة محترم فكان لزم أربيها أو تستاهل أو معرفتش أمسك نفسي ده مش عذر ده استهبال ده سبب كل واحد بيديه لنفسوا عشان ضميروا يبطل يزعجوا على الهو بيعملوا في بنات الناس. إنت مش كلب و لا طفل عندوا 3 سنين بيعاني من تبول لا إرادي و محتاج حفاضات كفاية بقى.    

مهما كنت البنت لبسه من حقها انها تمشي في الشارع من غير ما تتلمس أو تسمع تعليق حقير يخليها عايزة تنزل فيك ضرب لحد ما ربنا يخدك, ليه؟ عشان إنت مش حيوان و هي حرة تلبس زي ما هي عايزة مش من حقك انك تعملها أي حاجة لأي سبب من الأسباب.

موقع خريطة التحرش

We Won, Right?

The atmosphere now in Egypt is quivering with happiness and excitement; the air is scented with the aroma of our hard won freedom. A new president has been elected; a president from the people and appointed by the people, he's one of us and he has fought beside us in every battle to claim our freedom..... etc, etc. All the previous lyrical description is correct right? well no this is completely wrong it's complete bullshit and the Egyptian people have been tricked.

So lets take a brief look at the past year and a half just to get a better picture. Immediately after Mubarak stepped down SCAF began the scare tactics to force us down the path of their choice. We had the scary clashes almost immediately after Mubark stepped down and during that time SCAF played on the general public's fear. Some time later we had the referendum which was interpreted as the choice between stability and chaos, between God and Islam on one side and the anarchists and anti-Islamic bastards on the other. After some time we had the parliamentary elections then later the presidential elections and all the while there has been almost monthly clashes between protesters and the so called thugs and the police forces.

Lets first begin with our greatest fuck up which is the glorious parliament the pride and joy of the people. So, most of the parliament was made up of the Muslim Brotherhood and the other majority were the Salafies and all those have proved how completely useless they are. This is due to one reason only which is as always SCAF. SCAF would never allow someone who is not on their pay roll to have a position of any kind of power because if they did then the honourable members of SCAF will be royally screwed and that is a fact. So SCAF allowed this bunch of lecherous retards to set foot inside the parliament because they will never hold SCAF accountable for the numerous deaths that occurred during the past year and a half. The retards made a deal SCAF for power its that simple.

Some time later the parliament was dismantled this gives the mental image of SCAF giving us all the middle finger and saying Fuck you all I have all the power not you. Of course a lot of people where rejoiced and were happy that the MPs were shoved out of the parliament because lets face it the MPs pissed of a lot of people; alot of people missed the hidden messages in this move the I mentioned the 1st one and the 2nd one I'll mention later.

Now we move on to the presidential elections. The elections from the beginning were fraught with problems and meaningless shit but the real problem appeared when the re-election was between Shafik and Morsi. The first one belonged to the old regime which made him an undesirable and later belonged to the Muslim Brotherhood which made him also an undesirable and the lesser of 2 evils but in my opinion that was no choice at all its like being asked what your preferable method of death is, either ingesting arsenic or by a bullet in the head. This choice made people panic one category of people decided to vote for Shafik because they were afraid of the Islamists and this group members were labelled as traitors. The second group decided to vote for Morsi because he belonged to the revolutionary sector of the population one way or the other. The last group which have been labelled also as traitors and cowards were the ones who chose to boycott, for the simple reason that both candidates aren't worth shit and the real puppet master is still in the background.

In the end Morsi won and the people rejoiced which is exactly what SCAF wanted; people were forced to vote for Morsi or betray the revolution. But the thing that almost everyone missed is that the ones who were in charge of Egypt for the past year and a half the ones who spilled our blood on every street corner the ones who killed us in cold blood are free to roam the streets and they will never hand the power to anyone but their lap dogs. So some people may call it a victory that Morsi won the election and that the election was free and fair but this is very far from the truth. The truth is Morsi made a deal with SCAF in order to become Egypt's president but what that deal entails I have no idea and this is the scariest part because while the people rejoice and are unaware of the danger we're in the wolfs are moving in for the kill. 


For the guys who were 100% sure that if Shafik won then re-election would have been fixed but if Morsi won then the re-election is fair isn't that faulty logic? I mean if the election was fixed for one candidate wouldn't the same apply for the other won what is stopping the elections from being fixed for Morsi? Actually one thing that supports this theory is what happened to the parliament maybe just maybe SCAF were reluctant to leave all this power in the hands of the Muslim Brotherhood I mean its the presidency and parliament this is a bit much if they'll be able to come to some understanding with each other the Muslim Brotherhood's power would have to be taken down a notch hence what happened to the parliament. 


Forget the constitution that SCAF is trying to hijack, forget the president, SCAF's puppet and forget the parliament focus on SCAF the murderers are still free because if we don't act now then SCAF will win and may be they already have.


                         

Nile University: Lies Vs. Truth

دأب الدكتور أحمد زويل على نشر المغالطات في وسائل الإعلام ليدافع عن موقفه في الاستحواذ على أرض و مباني جامعة النيل دون حق و من ثم عملياً قيامه بتدمير جامعة النيل أول جامعة بحثية في مصر ليقيم مشروعه الخاص المسمى باسمه و من هذه المغالطات: 

1.  أنه كان لا يعلم بتخصيص مباني جامعة النيل له حتى شهر مايو 2011.
2.    أن الحكومة المصريه خصصت له المباني بعد أن تنازل مجلس أمناء جامعة النيل طواعية عنها.
3.     أن جامعة النيل جامعة خاصة في حين أن مشروعه مشروع قومي غير هادف للربح.
4.    أن جامعة النيل لم تدخل أبدا مبانيها و لم تستخدمها و من ثم فالجامعة من الممكن أن تكمل عملها في مكان آخر.
5.   أنه قد استطاع أن يجلب الكثير من كبار العلماء المصريين في الخارج  ليعملوا معه و أنه لولا مشروعه لما عادوا أبداً لمصر.
6.     أنه حاول مساعدة الجامعة و لكن هي الجامعة التي ترفض. 

و أيضاً الكثير و الكثير من المغالطات.

:سلسلة الفيديوهات التالية تم جمعها لإظهار الحقائق

Dr. Ahmed Zewail has been propagating many misconceptions in the media to defend his position regarding the acquisition of Nile University's campus for his project with no right, and thus effectively destroying Egypt’s first research university in favor of his own project, named after him! Some of these misconceptions are:

1.  That he was not aware of the government allocating the Nile University buildings to him until May 2011. 
2. That the Egyptian government has allocated the buildings to him after the Nile University board of trustees voluntarily gave them away to the government. 
3. That Nile University is a private university whereas his project is a national not-for-profit project. 
4. That Nile University never had access to its campus and thus is free to carry on with its business elsewhere.
5. That he has attracted top Egyptian scientists from abroad to work for his project who would have never come back to Egypt except for him. 
6. That he has offered to help Nile University and it is the University that is refusing 

And many, many, more misconceptions. The following set of videos tell the truth:

Student Videos:

1- Nile University| The Truth - Part 1 جامعة النيل | الحقيقة - جزء  

Dr. Zewail states in an interview with YousriFouda that Nile University is a private university whereas his project is a not-for-profit one. He also states that Nile University never had access to its buildings.

The response of the Nile University President and other people is from an interview with Hafez Almarazy, Nile University's president, Dr. Tarek Khalil, explains that Nile University is totally not-for-profit, established by a not-for-profit organization and is thus legally; public money and that it was the government that established it as a national project as part of the ministry of information technology and communication national strategy. This is confirmed by the ex- minister for higher education, Dr. Moataz Khorshed.

Dr. Khalil also explains that he, as the sole legal representative of the university, never signed away any rights to the campus, and that all the government decisions are illegal and are contested in the court of law.

The video also shows pictures of Nile University operations from inside its buildings and that it had fully moved into the campus by January 2011

جامعة خاصة في حين أن مشروعه غير هادف للربح و قال أيضاً أن جامعة النيل لم تدخل أبدا مبانيها.

الرد يأتي من حوار رئيس جامعة النيل و أفراد آخرين في برنامج حافظ المرازي حيث يشرح رئيس الجامعة الدكتور طارق خليل أن جامعة النيل غير هادفة تماما للربح و تملكها مؤسسة ذات نفع عام أي ملك للشعب و أن الحكومة هي من أنشأتها كمشروع قوني حسب خطة وزارة الاتصالات  يؤكد هذا الكلام وزير التعليم العالي السابق د معتز خورشيد

ثم يؤكد د خليل أنه كالممثل القانوني الوحيد للجامعة لم يتنازل عن أي حقوق للجامعة و أن قرارات الحكوم كلهاغير قانونية و أنها مطعون فيها أمام القضاء.

و يأتي أيضا الرد على عدم دخول المباني بعرض صور للجامعة في داخل المباني و التأكيد أنها انتقلت لعلمها هناك في يناير 2011 

2- Nile University| The Truth - Part 2 جامعة النيل | الحقيقة - جزء - Yehia Ismail 

In an interview with Mona El-Shazly, Dr. Zewail insists that he had managed to repatriate a number of Egyptian scientists to help in his project. He mentions Dr. Yehea Ismail several times and Dr. Ismail makes a statement confirming this fact stating that he met Zewail in the USA and they decided that Dr. Ismail should come back so they can work together.

What neither Zewail or Ismail mention is that Dr. Yehea Ismail had been working for Nile University since 2008 till summer of 2011, and was with the university during the start of the crisis and has demonstrated with the students and had appeared on various interviews (including with Mona El-Shazly herself) requesting the government return the campus to the university, all as a Nile University Professor). The video thus shows the footage of Ismail in his previous life.

في حوار مع منى الشاذلي يقول د زويل أنه نجح في استقطاب الكثير من العلماء المصريين من الخارج و يذكر اسم الدكتور يحيى اسماعيل عدة مرات بل ويظهر الدكتور يحيى اسماعيل نفسه في الفيديو ليؤكد أنه قابل الدكتور زويل في أمريكا و قررا معا أن يعود يحيى لمصر ليعملا سويا

و لا يذكر أيا من د. زويل أو د. اسماعيل أن الدكتور يحيى اسماعيل كان يعمل في جامعة النيل منذ 2008 حتى صيف 2011  وكان يعمل في الجامعة وقت بداية الأزمة و قد شارك في الوقفات الاحتجاجية مع طلبة الجامعة بل و ظهر في عدة برامج تليفزيونية (بما فيها مع منى الشاذلي نفسها) يطالب بعودة مبانيها كأستاذ في جامعة النيل ويعرض الفيديو المقاطع التي ظهر فيه اسماعيل في حياته السابقة.

2- Nile University| The Truth - Part 3 جامعة النيل | الحقيقة - جزء - Zewail Israel:

  

This video discusses the Mosslemany's allegations concerning the students and faculty being associated with Israel and brings into light Zewail's own relationship with Israel. 

هذا الفيديو يناقش حقيقة ادعاءت المسلماني عن صلة جامعة النيل بإسرائيل وكون الطلبة عملاء وأيضاً يناقش علاقة .زويل بإسرائيل 

A brief about Nile University's problem by a student

 

Five minute short video overview of Nile University problem footage from different programs.

فيديو يجمع مجموعة من التسجيلات يشرح مشكلة الجامعة 

Wael Abbas' interview with students, researchers and professors of Nile University:

Ahmed Shafik's video regarding his decision of taking over Nile University's buildings: 

This Video (18 February 2011, five days after Mubarak stepped down) shows press conference for prime minister General Ahmed Shafikafter a meeting with Dr. Zewail. He categorically stated that his government has decided to withdraw the buildings from Nile University and “reviving what is known as Zewail project”

Shafik did not say that anybody returned building voluntarily, but rather said categorically that it is a government decision.

Moreover he said that he will revive the Zewail project. This was 3 months before May, the date that Dr. Zewail claims was the first time he knew about the land allocation to him.

Also between February and May there were various communications between Nile University, Zewail and the Government about the issue, and there are many other videos to prove this.

هذا الفيديو (يوم 18 فبراير 2011 أي 5 أيام بعد تنحي مبارك) يظهر مؤتمر صحفي للفريق أحمد شفيق رئيس الوزراء بعد اجتماعه بدكتور زويل و قيه يقول شفيق صراحة أن الحكومة قررت سحب مباني جامعة النيل و "أحياء ما يعرف باسم مشروع زويل"

شفيق لم يقل أن أحداً أعاد المباني أو تنازل عنها بل قال صراحة "قررنا" أي أنه قرار الحكومة.

و أيضا قال أن الحكومة ستحيي ما يعرف باسم مشروع زويل. و كان هذا في فبراير أي 3 أشهر قبل شهر مايو أو التاريخ الذي يقول الدكتور زويل أنه سمع فيع لأول مرة عن تخصيص أراض له.

و نؤكد أنه ما بين فبراير كانت هناك الكثير من الحوارات بين جامعة النيل و الحكومة و د. زويل نفسه عن الموضوع و هناك فيديوهات أخرى تثبت هذا.

Reem Maguid talking about Nile University:

Dr. Zewail has said several times that Nile University can carry on operating from the Smart Village temporary building and does not need the campus buildings that have been allocated to him !!

In an interview with ReemMagued, Dr. Mohamed Abdel-Mottaleb and student Mariam Ibrahim explain the reality about the problems the university is facing due to Zewail’s acquisition of their lab facilities and that they now have to go use the facilities at other universities.

The minister of higher education in a phone-in says again “Nile University was created to remain”, a vague statement he keeps on saying but offers no real solution to the problem or how he and his government can help the university.

دأب الدكتور زويل على القول أن جامعة النيل ممكن أن تستمر في مبانيه المؤقتة في القرية الذكية و لا حاجة لها بمباني الشيخ زايد التي خصصت له !! 

في برنامج ريم ماجد د محمد عبد المطلب و مريم ابراهيم الطالبة في جامهة النيل يشرحا حقيقة مشكلة جامعة النيل و يشددا على مشكلة سلب معاملها منها و تأثيرها على العملية التعليمية و البحثية و أن الطلبة يذهبون الى جامعات أخرى ليستعملوا معاملها 

ووزير التعليم العالي في مداخلة تليفونية مع ريم ماجد يقول مجددا "جامعة النيل وجدت لتبقى" عبارة مبهمة دأب على قولها و لكن لا يشرح كيف يمكن أن يساعدها هو أو حكومته

Bassem Yousf's show on Nile University:

Bassem Youssef satirically introduces his coverage about the Nile University issue by saying:
“Unfortunately, months after destroying the essential infrastructure at Nile University we have discovered that it is still surviving …. still continuing in its shameful mission of educating students and conducting scientific research …. the objective of our report today is to completely demolish the university and to destroy the future of the students, researchers and returning scientists – the ones we brought to Egypt only to ask to go back abroad again – and to destroy any hope in improving education”

يقدم باسم يوسف برنامجه عن جامعة النيل ساخراً من ما وصل اليه وضعها: "للأسف بعد شهور من تدمير البنية التحتية الاساسية لجامعة النيل احنا اكتشفنا إن جامعة النيل لا زالت صامدة .... مازالت هذه الجامعة مستمرة في مهمتها المشينة في تعليم الطلبة و إجراء الابحاث .... تقريرنا اليوم هدفه القضاء تماماً على جامعة النيل و القضاء على مستقبل الطلبة و الباحثين و الطيور المهاجرة اللي احنا جبناهم عشان نرجعهم تاني و أي أمل في النهوض بالتعليم"

Essily's show about Nile University:

Dr. Zewails word to Nile University's undergrads. when he visited  the university last year:

This video taken by the students during Dr. Zewail's visit to Nile University in late May 2011. Dr. Zewail says that he will not allow students to hold up banners against him. He tells them that talking to the media will do them no good.

When challenged by the students that they need to access their buildings because they have no lab facilities, his response was that it is the fault of whoever admitted them to a university with no facilities (forgetting that when they were admitted into the university it had the facilities, and that he who now has those facilities).He then asks them to study hard otherwise he will not let them into Zewail City.

Interesting things is that the banners were not against Zewail but against the government decisions, but it seems Zewail either had a guilty feeling and though they were against him or alternatively really believed that he was part of the government that took these decisions.

هذا الفيديو صوره الطلبة أثناء زيارة الدكتور زويل لجامعة النيل فيآخر مايو 2011 و فيه زويل يقول للطلبة أن لن يسمح لهم بحمل لافتات ضده و أن اللجوء للإعلام لن ينفعهم.

و عندما قال  له الطلبة أنهم يريدون فقط الدخول لمعمالهم كان رده أن الخطأ على من أدخلهم جامعة بدون معامل (متناسيا أن عند دخولهم الجامعة كان بها معامل و أنه هو من استحوذ على هذه المعامل) و بعدها قال لهم أن يجدوا في دراستهم و إلا فلن يستطيعوا أن يدخلوا مدينة زويل.

المثير للدهشة أن اللافتات لم تكن ضد زويل في هذا اليوم بل ضد الحكومة و قراراتها و لكن يبدوا أن شعوره بالذنب صور له أنها ضده أو أنهفعلاً قد تصور أنه جزء من الحكومة التي أتخذت القرارات

A summary of the university's problem:

Five minute short video overview of Nile University problem footage from different programs.

فيديو يجمع مجموعة من التسجيلات يشرح مشكلة الجامعة

Last but not least Nile University's labs that were destroyed because Dr. Zewail refused to give the students access to them:

معامل جامعة النيل التي أصبحت خراب بعد إن منعت الجامعة من استخدمها  

Dr. Zewail insists that he was promised land for his project in 2000, and that he laid a corner stone. He has no documentation of such allocation and nothing to show but a picture of him showing him a desert with some ministers laying the corner stone.
The next picture shows a schematic where Nile University campus is and where the old corner stone
was, totally outside the Nile University campus.

يصر الدكتور زويل أنه كان تم وعده بأرض لمشروعه في عام 2000. و لكن لا توجد معه وثائق تثبت تخصيص أراض له غير صورة وحيدة له في صحراء و معه مجموعة من الوزراء.

و يظهر الشكل المرفق حدود جامعة النيل و أن موقع حجر أساس جامعته خارجها

What is extremely saddening – and unfortunately also against academic integrity – is that Dr. Zewail uses the Nile University buildings to boast in media, as if he is the one who put the effort in designing and constructing them over the years, very coldly neglecting NU’s staff and professors’ efforts over the year in designing and supervising the construction of the buildings to fit the requirements of their research – not his.

What is more amazing is what appears in these two photos. The first shows Zewail inaugurating the buildings with Essam Sharaf, Egyptian Prime Minister, in October. Both Zewail and Sharaf are standing inform of a scale model of what both claim is of the Zewail City. Zewail had never seen the scale model before, which was up to the night before this picture at the Nile University temporary building at the Smart Village. The scale model disappeared, mysteriously, that night!!

The second photo shows that the same scale model at the Nile University temporary building a couple of years earlier with Sir Magdy Yacoub, Egyptian-British Surgeon during his visit to the University. Nile University professors and staff were explaining to Yacoub the future plans of the university.

المثير للحزن – وللأسف أيضا ضد النزاهة العلمية - أن الدكتور زويل يخرج علينا في الإعلام متباهيا مباني جامعة النيل كأنه هو من بناها و بذل الجهد في تصميمها عبر السنين  ناكرا ببرود شديد مجهود عاملي و اساتذة جامعة النيل تصميم المباني و الشراف على بنائها لتلبي احتياجات ابحاثهم هم و ليست ابحاثه.

و الأدهى ما يظهر في هاتان الصورتان. في الأولى في شهر أكتوبر 2011 يظهر زويل مع رئيس الوزراء عصام شرف أمام ما يدعيا معا أنه ماكيت لمشروع زويل. للأسف د. زويل لم يكن قد رأى هذا الماكيت قبل تلك اللحظة حيث كان في مبنى جامعة النيل المؤقت بالقرية الذكية حتى الليلة السابقة لهذه الصورة و قد أختفى منها بطريقة غامضة.

 في الصورة الأخرى يظهر نفس الماكيت في مباني جامعة النيل المؤقتة قبل سنتين في 2009 أثناء زيارة الجراح المصري البريطاني السير مجدي يعقوب للجامعة حيث وقف الاساتذة و العاملون يشرحون على الماكيت خطة الجامعة المستقبلية.

The Following are 3 links to posts from different blogs concerning Nile University's problem:

هذة روابط من 3 مدونات يتحدثون عن مشكلة جامعة النيل:

1- Egyptian Chronicles: Nile University and Zewail City of Science , the same old Egyptian problem http://bit.ly/I4CkRd

2- Egypt: Country’s First Research University At Risk · Global Voices http://bit.ly/HUGxHA

3- Timeline of Nile University's Campus in Sheikh Zayed http://bit.ly/I4COGS

Nile University's You Tube channel